COP STA CRUZ LAGUNA LT COL JOJO I. SABENIANO TUMANGGAP NG SUNOD-SUNOD NA GAWAD PILIPINO AT DANGAL NG BAYAN AWARDS
STA. CRUZ, LAGUNA — Tumanggap ng sunod-sunod na GAWAD PILIPINO at iba pang prestihiyosong parangal si PLTCOL Jojo I. Sabeniano, Chief of Police ng Sta. Cruz Municipal Police Station at Public Information Officer ng Laguna Police Provincial Office ng Philippine National Police, bilang pagkilala sa kanyang huwarang serbisyo at dedikasyon sa paglilingkod sa bayan.
Ayon kay PLTCOL Sabeniano, ang mga parangal ay bunga ng kanyang patuloy na pagsusumikap at tapat na serbisyo sa komunidad. “Ang tagumpay ng isang natatanging miyembro ng kapulisan ay nakasalalay sa walang humpay na paglilingkod at malasakit sa mamamayan,” ani Sabeniano, sabay pagbibigay-diin na ang mga pagkilalang ito ay para rin sa buong hanay ng kapulisan na patuloy na naglilingkod nang may integridad.
Kabilang sa mga natanggap niyang parangal ang Lingkod Bayan Awards at ang pagkilalang Outstanding Uniformed Personnel of the Philippines sa ilalim ng Gawad Pilipino Lingkod Bayan Awards 2024, na ginanap noong Nobyembre 19, 2024 sa AFP Commissioned Officers Club House, Tejeros Hall, Camp General Emilio Aguinaldo, Quezon City. Kinilala rito ang mga huwarang lingkod-bayan na nagpakita ng kahusayan at malasakit sa gitna ng iba’t ibang hamon sa serbisyo publiko.
Noong Hunyo 12, 2024, tumanggap din si PLTCOL Sabeniano ng Gawad Pilipino 2024 – Huwarang Malaya sa Pagtatanggol sa Bayan sa ginanap na seremonya sa Eurotel Hotel, Quezon City, bilang bahagi ng paggunita sa ika-126 anibersaryo ng Araw ng Kalayaan.
Ang parangal ay nagbibigay-pugay sa mga indibidwal na may pambihirang ambag sa pagtataguyod ng pambansang dangal, kasaganaan, at kalayaan, na may temang “Pilipino ako, taas noo kahit kanino.”
Dagdag pa rito, ginawaran din siya ng Certificate of Recognition sa ilalim ng Gawad Dangal ng Bayan Awards 2025 noong Disyembre 27, 2025, sa AFP Commissioned Officers Club House, Camp General Emilio Aguinaldo.
Ang parangal na ito ay iginagawad sa mga indibidwal na lumalampas sa inaasahan, nagsasabuhay ng kahusayan, at nagpapakita ng integridad at walang pag-iimbot na paglilingkod sa bansa.
Sa kabuuan, ang sunod-sunod na pagkilala kay PLTCOL Jojo I. Sabeniano ay patunay ng kanyang matatag na pamumuno at malasakit sa sambayanan. Ang kanyang mga parangal ay nagsisilbing inspirasyon sa kapulisan at sa publiko—isang paalala na ang tapat at puspusang serbisyo ay patuloy na nagbibigay-liwanag sa landas ng kapayapaan at kaayusan sa bansa.
Dahil Dito pinuri at pinasalamatan ni Sta Cruz Mayor Benjo Agarao Ang mga natangap na pagkilala at karangalan ng kanyang COP ito ay patunay na bilang Isang chief executive ng bayan katuwang mo ang kapulisan sa panganagala ng kapayapaan sa iyong bayang nasasakupan."Pinagmamalaki natin ang pagkilala sa ating Hepe ng kapulisan ng ating bayan karangalan natin lahat Ang award na ito" saad ni Mayor Agarao.
0 Comments