Araw ng Biñan - 15th Cityhood Anniversary

𝗔𝗿𝗮𝘄 𝗻𝗴 𝗕𝗶ñ𝗮𝗻-15𝘁𝗵 𝗖𝗶𝘁𝘆𝗵𝗼𝗼𝗱 𝗔𝗻𝗻𝗶𝘃𝗲𝗿𝘀𝗮𝗿𝘆

Biñan City - Iba't ibang aktibidad ang minarkahan sa ika-15 anibersaryo ng pagiging lungsod ng Biñan ngayong araw ng Linggo, Pebrero 2.

Pinangunahan ni Biñan City Mayor Atty. Arman Dimaguila ang pagdiriwang sa pamamagitan ng Grand People's Parade na nilahukan ng mga sangguniang barangay, guro, mga estudyante upang ipagdiwang ang mga makasaysayang tagumpay bilang Biñanense. Pinasinayaan rin sa unang araw ng selebrasyon ang makabagong elevated parking at sining tanghalan sa lungsod.

Ang pagdiriwang ng cityhood ay magiging jampacked dahil ito ay kasabay ng paggunita gaya ng 80th Liberation Day na gaganapin sa Pebrero 3 at 278th Foundation Commemoration sa araw ng Martes, Pebrero 4.

Sa pahayag ni Mayor Arman Dimaguila, ang sining tanghalan ay magsisilbi kung paano nakikita ang kultura. Sa sining tanghalan ay higit na mahuhubog ang mga talento ng mga Biñanse at sa lugar rin na ito makikita ng mga karatig lungsod at bayan kung gaano kahusay ang mga Biñanse. At ang proyektong elevated parking ang kukumpleto upang mas maging maayos ang plaza. 

Naging panauhing pandangal si Mr. Ryan Cayabyab na alamat sa kultura at sining ng Bansa, na nagbigay ng papuri kay Bryan Borja-Tourism officer ng lungsod sapagkat isa siya sa buong Pilipinas na kabilang sa sa mga manggagawang pangkultura. Aniya, hindi makakamtan ni Borja ang mga papuri kung 'di dahil na rin sa tulong at suporta ni Mayor Arman, Vice Mayor Gel Alonte at maging ng buong sangguniang panglungsod. Ideneklara rin na ang taong 2025 ay ang Biñan Arts Day. Nakatalaga rin naman buksan na sa publiko ang mga proyektong pabahay at mga paaralan na makatutulong sa patuloy na pag-unlad ng lungsod. 

Sa nakalipas na labinlimang taon, ang Biñan bilang munisipalidad ay naging ganap na lungsod, sa ilalim ng Republic Act No. 9740 (AN ACT CONVERTING THE MUNICIPALITY OF BIÑAN IN THE PROVINCE OF LAGUNA INTO A COMPONENT CITY TO BE KNOWN AS THE CITY OF BIÑAN). | Shekinah Pamatmat