LILIW, LAGUNA- Personal na dumalo si Mayor Ildefonso Monleon sa pagtatapos ng estudyante na si Cdt. Lt 1Cl. Bernard Aredidon Espinase sa Philippine Military Academy (PMA) Fort General Gregorio H. Del Pilar, Baguio City.
Ayon kay Mayor Ide Monleon "Napakalaking karangalan na mula sa maliit na bayan ay mayroon tayong kababayang may namumukod-tanging talino, talento at kakayahan na makapagtapos sa isang marangal na akademya sa Pilipinas."
Ang buong Pamahalaang Bayan ng Liliw po kabilang ang Sangguniang Bayan sa pamumuno ni Hon. Ericson J. Sulibit ay buong pusong bumabati po sa pamilya lalo na sa mga magulang na sina G. Jose Borlaza Espinase at Gng. Cecille Aredidon Espinase ng Brgy.Kanlurang Bukal.
Ang pagtatapos ni Cdt.Lt.1Cl.Bernard Aredidon Espinase ay magiging inspirasyon ng bawat isang kabataang Liliweño na patuloy na magsikap sa kanilang pag-aaral at lalo’t higit ang pag-ibayuhin ang tungkulin bilang isang huwarang anak. (Kevin Pamatmat)
0 Comments